Sii-hayaha Madaxa Xafiiska Hawlgalka Kaalmeynta Qaramada Midoobay ee Soomaaliya (UNSOM) ahna Ku-xigeenka Ergeyga Gaarka ah ee Xoghayaha-Guud ee Qaramada Midoobay u qaabilsan Soomaaliya, Raisedon Zenenga, ayaa sida ugu kulul ee suurtagal ah u cambaareeyay dilka loo geystay kaaliye amni Maxamed Cabdi Khayre isagoo kasii baxayay masjid ku yaal magaalada Gaalkacyo fiidnimadii shalay.
Ma jiro ilaa iyo hadda shakhsi ama koox sheegatay masโuuliyadda dilka Md. Khayre, oo loola cararay isbitaal laakiin markii dambe u geeryooday dhaawacyadii soo gaaray.
โWaxaan ka baroor-diiqaynaa geerida Md. Khayre, oo si heer sare ah oo hawlkarnimo leh uga shaqaynayay Waaxda Badbaadadaย iyo Amniga ee QM xilligiisii shaqo ee hayโadda,โ ayuu yiri Md. Zenenga. โWaxaan ku boorinaynaa laamaha amniga inay dadaal kasta ku bixiyaan inay gacanta kusoo dhigaan raggii hubaysnaa ee masโuulka ka ahaa dilka foosha xun ee loo geystay saaxiib geesi ahaa oo naftiisa xaalad adag u geliyay si ay u badbaadaan shaqaalaha QM ee saldhigoodu yahay magaalada Gaalkacyo. Dhamaan bahda QM ee ka hawlgasha Soomaaliya waxay tacsi kal iyo lab ah u dirayaan qoyska iyo saaxiibada Md. Khayre.โ
