Ra’iisul Wasaaraha Xukuumadda Federaalka Soomaaliya Mudane Xasan Cali Kheyre ayaa maanta salaadda Ciidda kula tukaday masjidka Isbaheysiga Islaamka ee magaalada Muqdisho kumannaan ruux oo ka mid ah bulshada ku nool gobalka Banaadir.
Ra’iisul Wasaaraha oo Salaadda kadib la hadlay Kumannaanki Shacabka ahaa ee Salaadda ku tukaday Masjidka Isbahaysiga ayaa Shacabka Soomaaliyeed ugu hambalyeeyay Munaasabadda maalinta Koowaad ee Ciidul Adxaa, isagoo u rajeyay in ay ku Ciidaan farxad iyo Caafimaad.
Guddoomiyaha Aqalka sare ee Baarlamaanka Soomaaliya, Guddoomiye ku xigeenada Baarlamaanka, Xildhibaanno, Wasiirro iyo Culimaa udiinka Soomaaliyeed ayaa ka mid ahaa Masuuliyiinti Shacabka kula tukaday Masjidka Isbahaysiga Islaamka, iyagoo Hambalyo ku aadan Munaasabadda Ciidda u diray Shacabka Soomaaliyeed.
