Siihayaha Wasiirka Maaliyadda Soomaaliya Mudane Cabdiraxmaan Ducaale Beyle, Siihayaha Wasiirka Warfaafinta, Dhaqanka iyo Dalxiiska Soomaaliya Mudane Maxamed Cabdi Xayir “Maareeye” Agaasimaha Guud ee Wasaaradda Warfaafinta mudane Cabdiraxmaan Sheekh Yuusuf Al-Cadaala iyo xubno kale ayaa maanta kulan la qaatay ganacsato Soomaaliyeed, gaar ahaan Wakiilo ka kala socday shirkadaha bixiya adeegyada kanaalada Telefishinada, kuwaasi oo ay kala hadleen inay ka qeyb qaataan sare u qaadidda dakhliga.
Kulanka ayaa looga hadlay xoojinta iyo sare u qaadidda dakhliga gudaha.
“Waxa aan maanta shir muhiim ah la yeelanay qaar ka mid ah Ganacsatada Soomaaliyeed, gaar ahaan kuwa bixiya adeegyada ‘TV Cable Channels’, waxa aan diiradda saarnay sidii ay uga qeyb qaadan la haayeen sare u qaadidda dakhliga gudaha dalka ka soo xarooda”.ayuu yiri Wasiir Beyle oo kulanka kadib ka hadlay arrintan.
Dowladda Federalka Soomaaliya ayaa dadaal ugu jirta sidii looga soo kaban lahaa saameynta dhaqaale ee xanuunka COVID-19 ku reebay dalka.
