Madaxweynaha Dawlad goboleedka Puntland Dr Cabdiweli Maxamed Cali Gaas ayaa maanta magaalada Boosaaso ee xarunta Gobolka Bari ka furay imtixaanka guud ee shahaadiga ee sanad dugsiyeedka 2014/2015, waxaana uu kaga qeybgalay dugsiga sare ee Boosaaso Puplic Secondry School.
Arday badan oo isugu jira fasalada 4aad ee dugsiga sare iyo kuwo 8aad ee dugsiga dhexe ayaa maanta si rasmi ah ugu fariistay ka qeybgalka imtixaankaan oo ka bilowday dhammaan xarumaha waxbarasho ee deegaannada maamulka Puntland.
Dr Cabdiweli Maxamed Cali Gaas oo si rasmi ufuray imtixaanka ayaa sheegay inuu si aad ah ugu faraxsanyahay in xarumaha waxbarasho ee deegaaanada Puntland uu maant ka bilaabayo imtixaanka sanad dugsiyeedka 2014/2015.
”Aad iyo aad waxaa farxad iigu ah in aan idiin imaado, idinkalana qayb qaato maalintaan idinka idinku weyn, taariikhdiinana meel fiican ka galaysa, waxaan idiin sheegaya in Puntland ka go’antahay in mustaqbalkiinu hagaago, in mustaqbalkiinu sida idinka aad la doonaysaan uu noqdo, saa waxaan oo dadaal ah waxaa u soo galayseen in noloshiina qofnimo wax iska badasho’’. ayuu yiri Dr Gaas.
“Waxaan rabaa inaan ku dhawaaqo in Imtixaanki dugsiyada Sare iyo Dhexe ee Fasalada 12aad iyo 8aad ee Gobolada Puntland, maanta uu meel walba oo Puntland ah ka furanyahay imtixaankiina saa ayuu ku furanyahay Guul ayaan idiin rajaynayaa ” ayuu hadalkiisa ku daray.
