Madaxweynaha Dowlad goboleedka Galmudug Mudane Cabdikariin Xuseen Guuleed iyo wefdi uu hogaaminayo ayaa maanta gaaray degmada Hobyo ee gobolka Mudug, iyadoo sidoo kale halkaasi ay gaareen ganacsato ka socota dalka Ciraaq oo doonaya in ay dhisaan dekadda Hobyo.
Wafdiga Mudane Cabdikariin Xuseen Guuleed oo isugu jira Xildhibaanno iyo ganacsato ka tirsan rugta ganacsiga Soomaaliyeed ayaa markii ay gaareen Hobyo waxa ay halkaasi kula kulmeen qeybaha bulshada, iyadoo ujeedka socdaalka uu yahay sidii ganacsatada ka socota dalka Ciraaq ay u sahmin lahaayeen dhismaha lagu sameynayo dekadda Hobyo.
Wariyaha Warbaahinta Qaranka Maxamuud Cabdi Diirshe ayaa ku soo waramaya in Madaxweynaha Dowlad goboleedka Galmudug Mudane Cabdikariin Xuseen Guuleed iyo wefdi uu hogaaminayo ay kormeereen dekadda Hobyo, si ay u qiimeeyaan xaaladda, isla markaana halkaasi laga bilaabi dhismo casri ah oo dhanka dekada Hobyo ku saabsan.
