Madaxweynaha maamulka Puntland ayaa maanta magaalada Gaalkacyo ka furey shir wadatashi ah oo looga hadlayo aayaha Puntland ayna ka qeybgaleen waxgarad kala duwan, kaasi oo socon doono 25-29-ka bishan.
Shirka ayaa waxaa ka qeyb-galay Ergooyin badan oo isugu jira rag iyo dumar laga soo kala xulay deegaannada maamulka Puntland , waxaana sidoo kale goob joog ahaa Madasha shirka Wasiiro, Xildhibaanno, Waxgarad iyo masuuliyiin kale duwan oo maamulkaasi ka mid ah.
Ujeedda guud ee shirka ayaa ah in la adkeeyo wada jirka Bulshada ku nool deegaannada Maamulka Puntland, lana taban-taabiyo Nabadda, kalsooniada iyo is aaminaada bulshada , lana xaqiijiyo midnimada Ummadda iyada oo la marayo hirgelinta nidaamka xisbiyada badan .
Madaxweynaha dowlad goboleedka Puntland Dr.Cabdiweli Maxamed Cali Gaas oo khudbad ka jeediyey shirka ayaa ergooyinka ka qeyb-galaya uga mahadceliyey ka qeyb-galka shirka, isagoo ku bogaadiyey in ay soo saaraan qodobo wax ku ool ah .
âPuntland si ay ula jaanqaado horumarka dhaqaale, amni iyo bulsho ee caalamku higsanayo maanta , waa in isbedel dhab ah ku sameysaa haykalkeeda Maamul ah iyo kuwa gaar ka ah , waana in la helaa amni iyo Nabadgelyo taaba-gal ahâ ayuu yiri Dr Gaas.
