Madaxweynaha Dawlad goboleedka Puntland Cabdiweli Maxamed Cali Gaas ayaa maanta 3 kormeer ku tegay Dekedda magaalada Boosaaso, oo dhowaan la balaarin doono si loo weyneeyo.
Mudane Cabdiweli ayaa soo indha-indheeyey xafiisyada waax-yaha kala duwan ee Wasaaradda Maaaliyaddu ay kuleedahay gudaha Dekedda Boosaaso si’uu si dhow ugu ogaado qaababka kala duwan ee ay bulshada ugu adeegaan xafiisyadaasi.
Waxa uu sidoo kale soo kormeeray Xarunta Wasaaradda Kalluumaysiga iyo khayraadka badda halkaas oo warbixino kaga dhegeystey Wasiiru-dawlaha Wasaaradda iyo Wasiir-kuxigeenka wasaaradda kallumaysiga iyo khayraadka badda Puntland.
Madaxweynaha Puntland ayaa kormeerkiisa ku tegey Wasaaradda Dekedaha, gaadiidka Badda iyo la-dagaallanka Burcad badeedka, waxaana uu warbixin kaga dhegeystey Wasiirka Wasaaradda Dekedaha, isagoo idhihiisa kusoo arkay qalabkii lagu dhisilahaa Dekedda oo qayb ka-mid ah dhowaan lakeenay, isla markaana mas’uuliyiintaWasaaradihii uu soo kormeeray kula dar-daarmay in ay dar-dar geliyaan shaqooyinka baaxadda leh ee ay bulshada u hayaan.
