Madaxweynaha Dowlad Goboleed Puntland Dr. Cabdiweli Maxamed Cali Gaas ayaa maanta oo ay taarikhdu tahay 7 May 2018 waxaa uu kormeer ku sameeyey qaar kamida xarumaha Puntland ee ku yaala caasimada Garoowe, xarumahaas oo ay ka mid ahaayeen xarunta Maxkamada sare, xarunta Wasaaradda Waxbarashada, xarunta Wasaaradda Shaqada iyo Shaqaalaha, dhismaha cusub ee Wasaaradda Qorsheynta, xarunta Wasaarada Warfaafinta, iyo xarunta laanta Socdaalka iyo Jinsiyadaha.
Dr. Cabdiweli Maxamed Cali Gaas ayaa ugu horeen waxa uu kormeerkiisa ka bilaabay xarunta Maxkamada sare ee Garoowe xili ay ka socotey shaqada maalin laha ah ee ay qabato xarunta, halkaasi oo uu kulan gaara kula qaatay Guddoomiyaha maxkamada sare ee Puntland, kulankaas oo ahaa mid xog waraysi iyo hanaanka ay usocoto shaqadu iyo sida ay ugu shaqeeyan bulshada.
Xilgii Madaxweynaha Puntland uu ku guda jiray kormeerka ayaa waxa uu mid-mid u galay xafiisyada kala duwan ee xarunta maxkamada sare, halkaas oo ay ku sugnaayeen shaqaalaha iyo shacabkii loo shaqeenayey, iyadoo uu is xog waraysi kadib uu kula dardaarmay shaqaalaha maxkamada sare ee Garoowe inay dardar geliyaan shaqada ay u hayaan shacabka, isla markaana ay ugu adeegaan si hagar la’aan ah oo cadaaladi ku dheehan tahay.
Dhinaca kale Dr. Cabdiweli Maxamed Cali Gaas ayaa waxaa uu booqsho ku maray Wasaaradaha kala ah Wasaaradda Waxbarashada, Wasaaradda shaqada iyo shaqaalaha, Wasaaradda qorsheynta iyo xarunta Wasaaradda Warfaafinta, xarumahaas oo dhammaantood uu mid-mid u galay xafiisyadooda kala duwan.
Sidoo kale Madaxweynha Dawlad Goboleedka Puntland Dr. Cabdiweli Maxamed Cali Gaas intii uu ku guda jirey booqashada Wasaaradda Warfaafinta waxa uu kormeeray mashruuc dhawaantan laga hir galiyey Puntland, mashruucaas oo lagu horumarinayo Teknoloojiyadda iyo isgaadhsiinta Puntland, si ay u fududaato xiriirka Wasaaradaha iyo hay’adaha kale ee Puntland iyo dhammaan xarumaha kale ee dhigeeda ah ku yaala Soomaaliya iyo heer Caalamiba.
Wasaaradaha hadda barnaamijkaan laga hirgeliyey waxaa kamid ah Wasaaradaha Warfaafinta, Wasaaradda Qorshaynta, Wasaaradda Caafimaadka, Wasaaradda Waxbarashada iyo Xarunta Madaxtooyada Puntland, iyadoo xarun walba loo sameeyey Conference Room iyo Puplic IP ay u madax bannaan tahay si ay ugu fududaato xidhiidhka heer goboleed iyo mid Caalamiba.
Ugu danbeyn Madaxweynha Dawlad Goboleedka Puntland Dr. Cabdiweli Maxamed Cali Gaas ayaa waxaa uu booqdey xarunta laanta socdaalka iyo jinsiyadda Puntlan, halkaasi uu kula kulmay maamulka xarumahaasi, isla’marhaantaa ka xog wareesatay sida ay shaqda xafiisyadu u socoto, kadibna kula dar-daarmay shaqaalaha xafiisyadaasi inay bulshada si daacda ugu adeegaan, Sidoo kale Madaxweynha Puntland ayaa goobihii adeega loogu samaynayey bulshada waxa uu kula kulmay shacab Soomaaliyeed oo badankiisu ka yimid Gobolada Koonfurta iyo Waqooyiga Soomaaliya, kuwaas oo ay ka mid ahaa dad bukaan socod ah oo baahi weyn uqabay in ay helaan adeeg caafimaad oo dibada ah, iyadoo Dr Cabdiweli u amary in si deg deg ah loogu sameeyo adeega ay u baahan yihiin si socdaalkoodu ugu fududaado.
–DHAMMAAD–
