Madaxweynaha Dowlad Gobaleedka Galmudug, Mudane Axmed Cabdi Kaariye, Ayaa yiri “ waxaan bogaadinayaa doorashada Golaha Deegaanka ee ka socoto degmada Cadaado ee Gobalka Galgaduud, Waxaana u rajeynayaa in ay si wanaagsan kusoo dhammaato”. Ayuu yiri Madaxweynaha Galmudug Axmed Cabdi Kaariye.
Madaxwaynaha, ayaa sidoo kale ku dhiirragaliyey degmooyinka kale ee isku diyaarinaya doorashada Golaha Deegaanka in ay dar-dar galiyaan doorashooyinka golaha deegaanka ee degmooyinka Galmudug.
Ugu danbayn madaxweynaha, ayaa xusay in xukuumadda Galmudug ay ku howlan tahay sidii Galmudug ay uga qabsoomi laheyd doorasho qof iyo cod ah, iyadoona ay ka dhigantahay doorashada Golaha deegaanka ee degmooyinka Galmudug in ay dhabbaha u xaarayso xaqiijinta doorasho qof iyo cod ah.
