Madaxweynaha Dowlad Goboleedka Galmudug, mudane Axmed Cabdi Kaariye, oo uu weliyo Madaxweyne ku-xigeenka ayaa si wayn loogu soo dhaweeyay deegaanka Qudus ee duleedka degmada Caabudwaaq, waxaana halkaasi Madaxweynuha Galmudug uu ka dhagax dhigay ceel biyood ay ka waraabi doonaam dadka ku nool deegaanka Qudus.
Madaxweynaha Galmudug ayaa ka mahadceliyay soo dhawayn iyo marti qaad heerkiisu sarreeyo ee dadka deegaanku u sameeyeen wafdiga Madaxweynaha Galmudug hogaaminayay, wuxuuna xusay in uu deeganka ku soo laaban doono iyada oo uu deeganku sida haatan uu yahay ka ballaaran.
