Madaxweynaha Dowlad Goboleedka Galmudug Mudane Axmed Cabdi Kaariye iyo wafdi uu hoggaaminayo oo uu qayb ka yahay Taliyaha Hay’adda Nabad Sugidda Qaranka mudane Mahad Maxamed Salaad ayaa gaaray degmado Baxdo, isagoo uga sii gudbay deegaanka Xin-labi oo dhawaan laga xoreeyay Khawaarijta.
Madaxweynaha Galmudug ayaa la kulmay qaybaha kala duwan ee Bulshada deegaanka Xin-labi oo muddo dheer u oomanaa neecaawda Dowladnimada.
Intaas kaddib, Madaxweynaha Galmudug iyo Wafdigiisa ayaa uga sii gudbay deegaannada Dhag-haye iyo laas-gacaneey ee Gobolka Mudug.
