Madaxweynaha Dowlad Goboleedka Galmudug mudane Axmed Cabdi Kaariye ayaa ka qayb galay kulanka kama dambeysta ah ee koobka kubadda cagta degmooyinka Galmudug oo lagu soo gabagabeeyay Magaalada Cadaado.
Sidoo kale waxaa ka qeybgalay mas’uuliyiin ka tirsan dowladda Federaalka Soomaaliya, Guddoomiyaha xiriirka kubadda cagta Soomaaliya, bahda isboortiga ee Galmudug iyo dadweyne aad u fara badan oo ka kala yimid degmooyinka Galmudug.
Cayaartooyda magaalooyinka Dhuusamarreeb iyo Cabudwaaq oo ciyaaray kama dambeysta koobkan ayaa waxaa gool-kulaad ku qaadday xidigaha xulka Degmada Cabudwaaq.
