Madaxweynaha dowlad goboleedka Galmudug mudane Axmed Cabdi Kaariye Qoor qoor ayaa gaaray magaalada Baydhabo, waxaana garoonka diyaaradaha Shaati-Gaduud kusoo dhaweeyay Madaxweynaha Koofur Galbeed mudane C/casiis Xasan Maxamed (Lafta-gareen), masuuliyiin ka tirsan maamulkaas iyo qeybaha kala duwan ee bulshada.
Goordhow ayaa lagu wadaa in Baydhabo uu kaย furmo shirka iskaashiga dowlad goboleedyada Hirshabeelle,Koofur galbeed iyo Galmudug kaas oo ay uga tashanayaan arrimo dhowr ah.
Madaxweynayaashaan ayaa intaas kadib soo gaari doona magaalada Muqdisho oo uu ka furmayo shir looga tashanayo arrimaha doorashooyinka iyo amniga oo u dhaxeeya dowladda federaalka Soomaaliya iyo dowlaha xubnaha ka ah.
