Madaxweynaha Dowlad Goboleedka Hirshabelle Mudane Cali Cabdulaahi Xuseen Guudlaawe ayaa qadka telefanka kula xiriiray wariyeyaashii ku dhaawacmay qarixii saakay ka dhacay duleedka magaalada Baladweyne ee xarunta Gobolka Hiiraan.
Mudane Guudlaawe ayaa mid mid ula hadlay labada Wariye ee kala ah Khaalid Maxamuud Cusmaan (Ilkacase) iyo Cabdikariin Shabeelow waxa uuna u muujiyay sida uu ula dareemaayo xanuunka dhaawacyada soo gaaray.
Madaxweynaha Hirshabeelle ayaa amray in Muqdisho loo qaado Saxafiyiinta ku dhaawacmay qaraxaasi madaama maanta lagu sii dabiibayay cusbitaalka Istarliin ee Degmada Guriceel.
Mudane Cali Cabdullahi Xuseen ayaa u balan qaaday labada Saxafi in uu si dhaw ula socan doono Xaaladooda Caafimaad oo hada soo hagaageyso.
Ugu dambeyn Madaxweynaha Dowlad Goboleedka Hirshabeelle ayaa Alle ugu baryay in rabi caafimaad deg deg ah siiyo .
