Madaxweynaha Dowlad Goboleedka Hirshabeelle Mudane Cali Cabdullaahi Xuseen (Cali Guudlaawe) iyo wafdi uu hoggaaminayo ayaa maanta gaaray degmada Jalalaqsi ee Gobalka Hiiraan.
Safarka shaqo waxaa ku wehlinayay Madaxweyne ku-xigeenka Hirshabeelle Mudane Yuusuf Axmed Hagar (Dabageed), Xubno Fulinta iyo sharci-dejinta Dowladda Hirshabeelle, Guddoomiyayaasha Hiiraan iyo Shabeellaha Dhexe, Saraakiisha ciidamada qalabka sida, Fannaaniin iyo Suxufiyiin.
Maammulka Degmada Jalalaqsi oo uu hoggaaminayo Guddoomiye Nuur Dheere ayaa banaanka magaalada uga hortagay wafdiga Madaxweynaha Hirshabeelle, iyagoo u soo galbiyay magaalada.
“Shacabka Jalalaqsi biseyl Dowladdeed ayaa ka muuqdo waana ku ammaanayaa nabad-galyada sida ay u xaqiijiyaen. Garabkiina ayaa nahay guulleysta reer Jalalaqsi.”
Madaxweynaha Hirshabeelle ayaa uga mahadceliyay shacabka degmada Jalalaqsi maamuuskii iyo milgaha ay kusoo dhaweeyeen.
