Madaxweynaha Maamulka Hirshabeelle Cali Cosoble oo shalay gaaray Magaalada Baledweyne ayaa kulan looga hadlayay baahinta Nidaamka Dowladnimo la yeeshay Maamulka gobolka.
Mas’uuliyiinta Wafdigaan ayaa kulan la qaatay maamulka gobolka iyo odayaasha Dhaqanka, iyadoo la gawada hadlay xoojinta wada shaqeynta Maamulka Gobolka iyo ka shaqeynta hufnaanta hannaanka dowladnimo.
Guddoomiyaha maamulka Gobolka Hiiraan Cali jeyte Cusmaan ayaa sheegay in maamulka gobolka Hiiraan ay soo dhaweynayan wafdiga Madaxweynaha dowlad Gobolleedka Hirshabeelle, isagoo u sheegay in gobolka ay ka jiraan xaalado adag oo ay ugu weyntahay abaarta saameysay dadka ku nool deegaannada gobolka.
Qaar ka mid ah odayaasha dhaqanka gobolka ayaa dhankooda sheegay soo dhaweyn kaddib in magaalada Baladweyn iyo Deegaannada ku dhow ay ka jiraan abaaro taas oo looga fadhiyo in uu maamulka kala shqeeyo sidii Dadkaas loogu gurman lahaa.
Wasiirka Arrimaha Gudaha mamulka Hirshabeelle Maxamed Cali Caadle ayaa sheegay in u jeedka ay u yimaadeen magaalada Baladweyne ay tahay in lawada tashado qofkasta oo wanaag doonayana uu u nugul yihiin maamulka Hirshabeelle.
Madaxweynaha Dowlad Gobolleedka Hirshabeelle Cali Cabdullaahi Cosoble ayaa ugu dambeyn sheegay in guud ahaan abaaro xooggan ay ka jiraan dalka wixi ay ka awoodaan ugurmashada dadkaasna ay gacan ka geysan doonaan Isagoo guud ahaan dadka ay abaartu saameysa alle uga baryay in uu ka dulqaado.
