Madaxweynaha Dowlad Goboleedka Hirshabeelle Mudane Cali Guudlaawe Xuseen oo wada abaabul ka dhan ah Kooxda Khawaarijta Al-shabaab ayaa maanta kormeeray Ciidamada Xoogga Dalka iyo kuwa dib u xoreynta deegaanka ee ku sugan Deegaanka Daaru-nimca
Mudane Cali Guudlaawe ayaa goob fagaare ah kula hadlay boqolaal Ciidanka Xoogga Dalka iyo Kuwa dib u xoreynta deegaanka oo uu ku bogaadiyay guulaha ay ka gaareen cadowga khawaarijta ah ee u taagan gumaadka iyo baabi’inta Ummadda Soomaaliyeed, isagoo xusay inay farumaha dagaalka ay u joogaan hogaaminta dagaalka iyo dhiirigalinta Ciidanka Soomaaliyeed, waxa uuna halkaas kula kulmay Taliyaha Ciidanka Xoogga dalka Sareeye Gaas Ibraahim Sheekh Muxudiin, Sanater Afcadey, Wasiirkii hore ee amniga Cabdullaahi Maxamed Nuur, Guddoomiyaha Maxkamada Ciidamada Qalabka sida iyo Saraakiil kale oo iyana gaaray deegaanka Daaru-nimca.
Madaxweynaha Hirshabeelle ayaa soo indha indheeyay masaajidkii waynaa ee Daaru-nimca oo ay qaraxyo ku burburiyeen kooxda khawaarijta ah, isagoo tilmaamay in la joogo waqtii dhamaadka Al-shabaab, dhowaana la ciribtiri doono.
Madaxweynaha dowlad goboleedka Hirshabeelle ayaa deeq xoolo ah ku wareejiyay Geesiyaasha Xoogga Dalka iyo kuwa dib u xoreynta deegaanka ee fadhigoodu yahay Daaru-nimca.
