Madaxweynaha dowlad goboleedka Hirshabeelle Mudane Cali Guudlaawe Xuseen ayaa xariga ka jaray Laanta cusub ee Bangiga Dhexe ee Soomaaliya uu ku yeelan doono Magaalada Jowhar ee Caasimada Maamulka Hirshabeelle.
Gudoomiye ku-xigeenka Bangiga Dhexe ee Soomaaliya Dr Cali Yaasiin Cali, Wasiiro,iyo Masuuliyiin kale ayaa goobjoog ka ahaa Munaasabadan.
Madaxweynaha Hirshabeelle oo ka hadlay munaasabadda ka dhacday Laanta Bankiga Dhexe ayaa sheegay in bulshada Hirshabeelle ay soo dhoweeynayaan ayna ku faraxsan yihiin in adeegga bankiga dhexe ee Soomaaliya uu soo gaaro Gobolada Dalka, ka Hirshabeelle ahaana uu faa’iido wayn ugu fadhiyo.
