Wafdi uu hogaaminayo Madaxweynaha Jamhuuriyadda Jabuuti Mudane Ismaaciil Cumar Geelle ayaa iminka soo gaaray magaalada Muqdisho, si uu uga qeyb galo xafladda lagu caleemo saarayo Madaxwynaha Jamhuuriyadda Federaalka ah ee Soomaaliya Mudane Maxamed Cabdullahi Maxamed Farmaajo.
Madaxweyne Ismaaciil Cumar Geelle ayaa si habmaamuus wanaagsan loogu soo dhaweeyay Muqdisho, waxaana uu salaan sharaf ka qaatay cutubyo ka tirsan ciidanka xoogga dalka Soomaaliyeed.
Mudane Ismaaciil Cumar Geelle ayaa inta uusan ka qeyb gelin xafladda caleemo saarka Madaxweynaha Soomaaliya waxa uu dhagax dhigi doonaa xaruntii hore ee Safaaradda Jabuuti ee Soomaaliya, maadaama safaaraddu ay ku shaqeyneysay xarun KMG ah.
