Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa gaaray magaalada Baladweyne ee Xarunta Gobolka Hiiraan, si uu ugu kuur galo xaaladda bini aadamnimo ee ka dhalatay fatahaadda Wabiga Shabeelle iyo howlaha gurmadka ah ee Hay’adaha Dowladdu ay ka wadaan deegaannadaas.
Madaxweynaha iyo wefdigiisa galabta tagay Baladweyn ayaa durba bilaabay u kuur galida xaalada nololeed ee magaalada ka jirta, waxa uuna madaxweynuhu ku dhex lugeeyay xaafado ka tirsan degmada Baladweyn oo ay biyo fadhiyaan.
