Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo khudbad ka jeediyay Masjidka Madaxtooyada ayaa ka hadlay dagaalka dalka looga xoreynayo Khawaarijta iyo dhameystirka dastuurka KMG ah.
Mudane Xasan Sheekh Maxamuud ayaa sheegay in shan qodob ay muhiimad siisay dowladda xoogana saartay, isagoo tilmaamay in qaar ka mid ah lagu guuleystay, kuwaas oo kamid ah deyn cafinta, ku biiristii Urur Goboleedka Iskaashiga Dhaqaalaha Bariga Afrika, dagaalka ka dhanka ah Khawaarijta, wax kabadalka arrimaha dastuurka dalka, cunaqabateynta hubka ee laga qaaday Soomaaliya.
Madaxweynaha JFS Mudane Xasan Sheekh Maxamuud ayaa sheegay in ay muhiimad gaar ah siinayaan dagaalka looga xoreynayo Khawaarijta arxanka daran iyo in dalka loo sameyo Dastuur rasmi ah oo meesha laga saaro dastuurka KMG oo muddo lagu soo jiray.
