Madaxweynaha Jamhuuriyadda Soomaaliya Mudane Maxamed C/llaahi Farmaajo iyo Guddoomiyaha Golaha Shacabka ee Baarlamaanka ee xilka iska siidagaya Maxamed Sheekh Cusmaan Jawaari ayaa shir jaraa’id ku qabtay goor dhow madaxtooyada Soomaaliya.
Maxamed Sheekh Cismaan Jawaari ayaa sheegay inuu xilka ka degi doono maalinta berri, si uu amaanada dib ugu celiyo xubnaha Golaha Shacabka ee horay u soo doortay, isagoo si rasmi ah u cadeeyay inuu iska ka dagayo.
Madaxweynaha JF Soomaaliya Mudane Maxamed C/llaahi Farmaajo ayaa uga mahad celiyay go’aanka uu qaatay Mudane Maxamed Sheekh Cismaan Jawaari.
“Go’aanka uu qaatay Guddoomiye Jawaari waa mid taariikhi ah, wax shuruud ahna kuma xirin, waxaan u rajaynaa inuu sii wado dadaalada uu ku bixiyay dowladnimada Soomaaliya”ayuu yiri Madaxweyne Farmaajo oo hadalkiisa uu ahaa mid koobnaa.
HALKAAN KA DHAGEYSO SHIRKA JARAA’ID.
