Madaxweynaha Dowlad Goboleedka Jubbaland Mudane Axmed Maxamed Islaam, ayaa Xarunta Madaxtooyada kulan kula qaatay xidigaha xulka kubada cagta Jubbaland.
Madaxweynaha Jubbaland ayaa masuuliyiinta Wasaarada Dhallinyarada iyo Ciyaaraha iyo xiriirka kubada cagta ka dhagaystay shaqooyinkii baaxad lahaa ee bilihii lasoo dhaafay ay wadeen iyo diyaar garowga xulka kubada cagta ee ciyaaraha Dowladaha xubnaha ka ah JFS ee dhawaan bilaabanaya.
Madaxweynaha Dowlad Goboleedka Jubbaland Mudane Axmed Maxamed Islaam ayaa guul u rajeeyay xulka, isagoo sheegay in ay garab taagan yihiin dhammaan shacabka iyo Dowladda Jubbaland isla markana ay rajo weyn ka qabaan in guul weyn ay soo hoyin doonaan.
