Madaxweynaha Dowlad Goboleedka Jubbaland Mudane Axmed Maxamed Islaam ayaa maanta booqday fariisimaha Ciidamada Jubbaland ee Gobolka Jubbada Hoose.
Axmed Madoobe waxa uu booqday deegaanka Baar-sanguuni halkaas oo dhowr bilood ka hor laga xoreeyay Kooxda Al-Shabaab.
Madaxweynaha Jubbaland ayaaa kormeeray deegaanka iyo meelaha ku dhow oo ay ciidamada Darawiishta Jubbaland ka wadaan howlgallo sifeen ah, isagoo kala hadlay in la dardar galiyo sidii isku socodka dadwaynahu u noqon lahaa mid wanaagsan, iyadoo Al-Shabaab laga saarayo deegannada ay weli ku dhuumaalaysanayaan.
Axmed Maxamed Islaam ayaa sheegay in uu halkan u yimid si uu wakhti ula qaato ciidamada, una arko duruufta ay ku shaqaynayaan, wuxuu xusay in niyad wanaag iyo moraal wanaagsan uu ka muuqdo.
Argagixisada ayuu sheegay in lagag guulaysan karo in weerar midaysan lagu qaado taas oo meesha ka saaraysa in ay isku gurmadaan.
