Madaxweynaha Dowlad Goboleedka Jubbaland Mudane Axmed Maxamed Islaam ayaa maanta kormeer ku tagay xarunta mashruuca weyn ee biyo galinta magaalada Kismaayo ee deegaanka yoontooy.
In ka badan sodon sano kahor ayay dowladii dhexe ee dalka hirgalisay mashruucan, iyadoo dib hadda ay u howlgalinayso Wasaaradda Tamarta iyo Biyaha Jubbaland.
Related posts
Madaxweynaha Jubbaland ayaa kormeeray Wajiga koobaad ee mashruucan oo hadda la gaba gabeeyay, iyadoo Wajiga labaad la gudo galay uuna qaadan doono muddo sanad ah in lasoo gaba gabeeyo mashruuca oo dhan.
Mashruucan ayaa biyo nadiif oo laga soo jiiday wabiga Jubba gaarsiin doona in ka badan labo milyan oo qof, iyadoo markiiba uu soo saarayo biyo dhan shan iyo toban kun oo meter cubic taas oo dabooli doonta baahiyaha dhinaca biyaha ee magaalada Kismaayo iyo deegaannada ku xeeran ee gobolka Jubbada Hoose.
Madaxweynaha Dowlad Goboleedka Jubbaland Mudane Axmed Maxamed Islaam ayaa u mahadceliyay howlwadeennada iyo shaqaalaha ka shaqaynaya mashruucan dhaxalgalka ah isagoo xusay in wax badan uu ku soo kordhin doono horumarka deegaanka.
