Madaxweynaha Dowlada Goboleedka Jubbaland Axmed Maxamed Islaam, ayaa hab maqal iyo muuqaal ah kaga qeybgalay shir Weynaha Qaran ee gurmadka abaaraha oo lagaga hadlayay tageerada dadka ay saamaysay abaarta ka jirta dalka.
Madaxweynaha wuxuu sheegay in Jubbaland ay kamid tahay meelaha abaarta ugu daran ay ka jirto gaar ahaan dhulka kaa fog wabiga Jubba kuwaas oo gargaar deg deg ah u baahan isla markana Dowlada Jubbaland ay gurmadka wado balse loo baahan yahay taakulo dheeraad ah.
Related posts
Madaxweynaha ayaa tilmaamay in gurmadka Beesha Caalamka uu mar walba yahay mid soo daaha oo si joogto ah aan uga jawaabi karin baahiyaha deg dega ah sidaas darteedna loo baahan yahay in Soomaalida ay isku tashato oo Ganacsatada, Bulshada qeybaheeda kala duwan iyo cid walba oo wax awooda ay ka qeyb qaadato gurmadka socda.
Waxaa Madaxweynaha uu xusay in abaaraha iyo fatahaada soo noq noqday ay u baahan yihiin xal waara oo loo sameeyo bulshooyinka Xoolo Dhaqatada, Beeraleeyda ah ee jiinka wabiyada iyo dhulka ka fog ilaha biyaha ku nool kuwaas oo sanadka wakhti kamid ah wajaha fatahaado halka wakhtiyada qaara ay lasoo daristo abaar aad u daran.
