Wafdigan uu hogaaminayey madaxweynaha dowlad goboleedka Koonfur Galbeed Soomaaliya mudane Cabdicasiis Xasan Maxmed ( Lafta-Gareen ) ayaa waxaa manta si diiran loogu so dhoweyey degmada xudur ee xarunta gobolka Bakool, waxaana soo dhaweyntiisa ka qeyb galay mas’uuliyiin ka tirsan mamulka gobolka, kan degmadda, sarakiisha ciidanka, odeyaal, dhalinyaro, iyo caruur.
Ciidanka xoogga dalka qeybta 60aad guutada 9aad ayuu salaam sharaf kaga qaatay madaxweyne Cabdi casiis xasan maxamed ( lafta gareen ) garoonka diyaaradaha degmada xudur ee xarunta gobolka bakool.
Safarka madaxweynaha ayaa waxaa qeyb ka ahaa wasiiradaha wasaaradaha cafimaadka, maaliyada, amniga, Bay’adda, xildhibaano, taliyaasha ciidanka xooga dalka iyo kan darawiishta Koonfur Galbeed.
Soo dhoweyn iyo is marxabayn ka dib Madaxweynaha dowlad goboleedka KG mudane cabdicasiis lafta-Gareen ayaa u mahadceliyey shacabka degmada xudur iyo masuuliyiintooda soo dhoweynta diiran ee ay usameeyen waxaana uu sheegey in maalmaha uu joogo degmada Xudur uu wax ka qaban doono baahiyaha ka jira degmada sidoo kalena waxa uu dhiirageliyey ciidanka xoogga dalka iyo kuwa daraawiisha KGS guushii ay ka gareen dagaalkii ay la galeen al-shabaab.
