Madaxwaynaha dowlad Goboleedka Koonfur Galbeed Mudane Shariif Xasan Sheekh Aadan ayaa maanta dhagax dhigay dhismaha wado xiriirisa magaalada Baydhabo iyo garoonka diyaaradaha magaaladaasi.
Wadadan ayaa cabirkeedu waxa uu gaaraya seddex km, waxaana ay ka mid ahayd wadooyinka muhiimka ah ee saameeyay bur burkii dalka ka dhacay, waxaana qarashka ku baxaya bixinaysa Dowlada Federaalka Soomaaliya.
Wasiirada Wasaaradaha Maaliyadda iyo Gaadiidka Koonfur Galbeed ee Soomaaliya oo goobta ka hadlay ayaa si sigaar ah waxa ay uga mahadceliyeen dowladda Soomaaliya, waxaana ay balanqaadeen in wadadan ay ka mid noqon doonto waddooyinka dhanka dhismaha ka tayeysan.
Madaxwaynaha dowlad Goboleedka Koonfur Galbeed Mudane Shariif Xasan Sheekh Aadan ayaa sheegay in dhismaha wadadan ay muhiim u tahay bulshada magaalada, isagoo ku baaqay in Jaaliyadaha ay ka qeyb qaataan dib u dhiska deegaannada Koonfur Galbeed ee dalka.
