Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed ayaa qada sharaf ugu sameyey Xarunta Madaxtooyada Xidigaha Xulka kubada cagta ee Koonfur Galbeed
Madaxweynaha Koonfur Galbeed ayaa Wasiirka Dhallinyarada iyo Madaxda Xiiriirka kubada Cagta Koonfur Galbeed ka dhagaystay shaqooyinkii baaxadda lahaa ee Bilihii lasoo dhaafay ay wadeen iyo diyaar garowga xulka kubadda cagta ee ciyaaraha Dowladaha xubnaha ka ah Dowladda Federaalka ee Maalmaha soo socda bilaabanayo
Mudane Cabdicasiis Xasan Maxamed Laftagareen ayaa guul u rajeeyay Xulka Ciyaartooyda Koonfur Galbeed, isagoo sheegay in ay garab taagan yihiin Dowladda iyo shacabka Koonfur Galbeed isla markana ay rajo weyn ka qabaan in guul weyn ay soo hoyin doonan Tartan Ciyaareedka Magaalada Muqdisho ka furmaya.
