Madaxweynaha Dowlad goboleedka Puntland Dr.Cabdiweli Maxamed Cali Gaas ayaa maanta qeybo ka mid ah magaalada Gaalkacyo kula kulmay gudiga amniga iyo Garsoorka ee uu dhawaan magacaabay.
Gudiga ayaa waxa ay ka warbixiyeen qorshaha amaanka iyo cadaaladda uga qorsheysan, taasi oo ay ugu weyntahay wada shaqeyn la’aan u dhaxaysa hay’addaha Amniga iyo Garsoorka Gobalka Mudug.
Intuu uu socday kulanka ayaa waxaa ka qeyb-galay iyana Madaxda Hey’adaha Amniga iyo Garsoorka Gobalka oo ay kamid ahaayeen Booliska, Xeer ilaalinta maxkamadaha iyo Asluubta ee maamulka Puntland.
Dr. Cabdiweli Maxamed Cali Gaas ayaa mas’uuliyiintaasi ku booriyey in ay la yimadaan shaqo hufnaan, daacadnimo una cadaalad falaan shacabka, isagoo shacabka qeybihiisa kala duwan ugu baaqay in ay si dhow ula shaqeeyaan hay’addaha amaanka iyo Garsoorka kalsooni buuxdana ay ku qabaan
