Madaxweynaha dowladda Fedaralka Soomaaliya mudane Xasan Sheekh Maxamuud ayaa maanta dhagax dhigay xaruntii Wasaaradda shaqada iyo arimaha bulshada ee Soomaaliya, kaasi oo lagu sameynayo dib u dhis, iyadoo munaasabadii dhagax dhiga ay ka qeyb galeen Wasiirada Shaqada iyo howlaha guud, maamulka degmada Shangaani iyo xubno kale.
Guddoomiyaha Degmadda Shangaani Axmed Xasan Yalaxow ayaa sheegay in dib u dhiska Hayโadaha Dawladda ay qayb ka tahay dib u soo celinta bilicda magaalada iyo horumarka dalka.
Related posts
Wasiirka Wasaaradda Hawlaha Guud iyo dib u dhiska Eng Saalax Sheekh Cusmaan oo ka hadlay goobta ayaa tilmaamay inay tallaabo ku aadan hufnaanta iyo Muumul wanaaga ay Xukuumadu ku talaabsatay.
Wasiirka Wasaradda Shaqada iyo Arrimha bulshada Cabdiweli Ibraahim Sheekh Muudeey ayaa sheegay in dib u dayactirka xarunta Wasaaradda Shaqada ay qayb ka tahay soo celinta halkii laga maamulaayey shaqaalaha Soomaaliyeed.
Ugu danbeyntii Madaxweynha Jamhuuriyadda Federaalka ah ee Soomaalia Mudane Xasan Sheekh Maxaamud oo dhagax dhigay dib u dayactirka xarunta Wasaaradda shaqada ayaa ugu baaqay Hayโadaha kale ee Dawladda inay ku daysadaan masโuuliyinta Wasaaradda Shaqada iyo Arimha Bulshada oo hayโad waliba ay dib u dayactirato xarunteeda, kana qayb qaadato mashruuca dhiso Dalkaada oo kaalin weyn ka qaadan kara dib u dhiska xarumaha dowladda.
Xarunta Wasaaradda Shaqada oo ku taala degmada Shangaani ayaa saameyn ku yeeshay bur burkii dalka, iyadoo muddo badan ay deganaayeen dad shacab ah, kuwaasi oo dhawaan laga raray markii dowladdu ay u baahatay in loogu adeego bulshada.
