Madaxweynaha dowladda Federaalka Soomaaliya Mudane Xasan Sheekh Maxamuud ayaa ka waramay guulaha dowladdu gaartay mudadii ay jirtay, isagoo tilmaamay in aan xilligan loo baahneyn is qab qabsi.
Madaxweynuhu waxa uu xusay in ciidamada dowladda iyo kuwa Nabad ilaalinta Midowga Afrika ee AMISOM ay soo hooyeen guulo waa weyn, ayna degmooyin muhiim ah ka saareen maleeshiyada Al-Shabaab.
“Waan ognahay markasta oo xilliga dowladda u dhamaado, carqaladi iyo caqabado ayaa inta ay yimaadaan kororsiimo la aadi jiray, kororsiimadaas oo keeni jirtay in dowladnimada Soomaaliya ay hoos u dhacdo, qilaafka in uu bato iyo in talada ay gacanta Soomaalida ka baxdo, ama hay’adaha dastuuriga ah awoodooda tala qaadasho ay hoos u dhacdo, anagoo ka carareyna ma ka fogaaneyna waayo aragnimadaas hore, oo aan quruxda badneyn, in aan markale soo noqon, waxaas si wada jir ah la isugu raacay, hab doorasho in laga wada hadlo, oo habkaas doorashada la isku raacay uu noqdo mid shacabka Soomaaliyeed ay uga gudbayaan 2016- oo marka u dhamaado xiliga, taasi oo ay nagu raacday beesha caalamka” ayuu yiri Madaxweyne Xasan Sheekh
