Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud ayaa caawa kulan afur ah u sameeyay safiirada dalalka Islaamka ee jooga Soomaaliya, kaasi oo looga hadlayay arrimo badan.
Kulanka ayaa waxaa looga hadlay xoojinta xiriirka Wadamada Islaamka iyo Soomaaliya, iyagoo amaanay horumarka dowladda Soomaaliya ay ku tallaabsatay, iyagoo xusay inay sii xoojinayaan taageerada ay siinayaan dowladda.
Afhayeenka Madaxtooyada Jamhuuriyadda Federaalka ah ee Soomaaliya Daaβuud Aweys ayaa sheegay in ujeedka kulanka afurka ah uu ahaa sidii Madaxweyanaha iyo Safiirada dalalka Islaamka ee jooga Soomaaliya ay u kala warqaadan lahaayeen,
βMunaasabadan waxa ay ahayd mid loogu talagalay safiirada dalalka Islaamka ee jooga Soomaaliya, waxaa looga hadlay xaaladda dalka ay mareyso, sidii ay u xoojin lahaayeen taageerada ay siinayaan dowaldda, waxayna bogaadiyeen horumarka ay dowladda ku talaabsatayβ ayuu yiri Afhayeenka Madaxtooyada Qaranka.
