Madaxwaynaha Puntland ayaa daah-furay Mashruuca Xalka Waara ee oo wax looga qabanaayo Fatahaada iyo daadadka kusoo rogmada Degmada Qardho ee xarunta Gobolka Karkaar,Waxaana kasoo qeybgalay madax ka socotay Gollayaasha kala duwan ee Dowlada,Maamulka Gobalka,Kan Dagmada Qardho wax garad kala duwan iyo Boqolaal ka mid ah Bulshada Dagmada Qardho.
Masβuuliyiinta iyo Injineerada ku shaqo leh Mashruucan, ayaa munaasabadda kusoo Bandhigay sida loo maaraynaayo daadka kusoo rogmada magaalada.Waxaana wax xal waara ah loogagana baaqsan doono daadadkii dhibaatada badan ku hayay Magaaladaasi Qardho.
Related posts
Guddoomiyaha Dagmada Qardho iyo Guddoonka Maamulka Gobalka Karkaar ayaa soo dhaweeyay qorshahan Dowlada ee Xalka waara loogu raadinayo fatahaadaha iyo Daadadka Xilli Roobaadka ee Dagmada Qardho iyagoona Bulshada Magaalada iyo deegaankaba ka Codsaday soo Dhawaynta iyo ka qayb qaadashada Barnaamijkaani.
Madaxweynaha ayaa muhiimad gaar ah siiyey sidii xal waara loogu heli lahaa daadka joogtada ugu soo rogmada Qardho xiliyada roobka, wuxuuna ugu baaqay dhammaan Bulshada Degmada in ay kala shaqeeyaan Dowladda dadaalka dowladnimo gaar ahaan Mas’uuliyiinta howlahan gacanta ku haya in lagu taageero wixii soo jeedin iyo farsamo shaqo ah ee qeybta ka ah qorshaha lasoo bandhigay Maanta.
Dagmada Qardho ayaa sanooyin badan waxaa dhibbaatooyin kala duwan u geysanayeen daadaka,dhibaatooyinka ayaa waxaa ka mid ahaa Naf maal iyo Burbur hantiyeedba ka dhaxashay Daadad iyo fatahaado wada jira oo ay sababeen xilli Roobaadyada kala duwan.
