Madaxweynaha Dowladda Puntland Waxaa saaka ka bilowday Guud ahaanba Deegaanada Puntland Imtixaanka shahaadigga ah ee dugsiyada dhexe iyo sare oo ay sanadkaani u fariisanayaan arday gaarayso 22,626 arday oo isugu Jira Fasalada 8aad ee Dugsiga Dhexe iyo Fasalka Afraad ee Dugsiga Sare.
Madaxwaynaha Puntland Mudane Siciid Cabdulaahi Dani, ayaa si rasmi ah uga furay Imtixaanka Dugsiga sare ee Gambool Garoowe oo ay imtixaanka ku galayeen Boqolaal ka mid ah ardayda Puntland.
Maxamud Maxamed Siciid Caynsane Agaasimaha Waaxda Imtixaanaadka1 Puntland,ayaa bixiyay Xogta Guud ee Imtixaanaadka Sanadkaani ee dhinacyada ardayda iyo ilaaliyayaashiiba.
Wasiir Ku-Xigeenka Wasaaradda Waxbarashada ahna ku arrimaha Wasiirka Cabdiraxmaan Yuusuf Dujaana, ayaa Hambalyo u diray ardayda sanadada Badan Soo dadaalaysay iyo Waalidiintii Juhdiga soo Galiyay Ubadkooda .
Gabagabadiina Madaxwaynaha Puntland Mudane Siciid Cabdulaahi Dani oo isagu si rasmi ah u furay imtixaankaani, ayaa Hambalyo u diray dhammaanba ardayda Puntland kulana dardaarmay inay muujiyaan daganaansho waqtiga imtixaanka una Mahad celiyay Wasaarada Waxbarashada Puntland.
