Madaxweynaha Dowlad Goboleedka Puntland Mudane Siciid Cabdullaahi Deni, ayaa maanta Qasriga Madaxtooyada ku qaabilay Guddi Aqoonyahano Soomaaliyeed ah oo isugu jira Siyaasiyiin xilal ka soo qabtay dalka iyo xubno ka mid ah Ururada Bulshada, kuwaasi oo isu xilqaamay ka shaqeynta ka hortagga khilaafaadka ka dhalan kara doorashooyinka.
Guddigan maanta uu qaabilay Madaxweynaha Puntland oo uu hoggaaminayo aqoonyahan Prof. Cabdiraxmaan Baadiyow, ayaa ugu horeyn ugu hambalyeeyay Puntland doorashadii taariikhiga aheyd ee goleyaasha deegaanka ee ka dhacday Qardho, Ufeyn iyo Eyl. Taasi oo tusaale wanaagsan u noqotay guud ahaan Soomaaliya.
Kulanka waxaa looga hadlay guud ahaan xaaladda Soomaaliya, gaar ahaan Doorashooyinka, waxaana uu qeyb ka ahaa kulamo guddigan is xilqaamay ay hore ula soo yeesheen Madaxda Soomaaliyeed.
