Madaxweynaha Dowlad Goboleedka Puntland Mudane Siciid Cabdullaahi Deni, ayaa Qasriga Madaxtooyada qado sharaf ugu sameeyay Xildhibaan Maxamuud Nuur oo ka tirsan Baarlamaanka Minnesota ee dalka Maraykanka iyo wafdi uu hoggaaminayo oo ku sugan Garoowe.
Kulanka waxaa sidoo kale ka qeybgalay wafdi ka socda Kenya, Madaxda Hay’adda Cilmi baarista Puntland ee PDRC iyo marti sharaf u timid Garoowe inay ka qeybgalaan dabaaldegga sanad-guurada 23-aad ee ka soo wareegatay markii la aasaasay Puntland.
Madaxweynaha Puntland ayaa ka mahadceliyay madaxdii kala duwanaa ee ka soo qeybgashay xuska 23aad guurada ka soo wareegtay aas aaska Puntland, isagoo xusay in jawi nabdoon ay ku qabsoontay xafladda.
