Madaxweynaha dowlad goboleedka Puntland Siciid Cabdullaahi Deni, ayaa shir-guddoomiyey shirka golaha wasiirada puntland oo todobaadkaan looga hadlay amniga, dugsiyada Quraanka ee Puntland, xaaladda COVID-19, nabadaynta shiqaaqadii Saax-Maygaag iyo siyaasadda biyaha.
Shirka golaha Wasiirada waxaa ka qeybgalay madaxweyne ku-xigeenka dowlad goboleedka Puntland Axmed Cilmi Cismaan Karaash, waxaana ka mid ahaa arrimaha goluhu ka dooday xaaladda dugsiyada Quraanka lagu barto ee Puntland, iyadoo ugu danbeyn madaxweynaha Puntland Siciid Cabdullaahi Deni uu guddi heer Wasiir ah u saaray dib-u-habeynta iyo horumarinta dugsiyada Quraanka.
