Madaxweynaha Dowlad Goboleedka Puntland Mudane Siciid Cabdullaahi Deni, ayaa tababar u soo xiray cutubyo ka tirsan Ciidamada Birmadka Madaxtooyada Dowladda Puntland oo muddo 5 Bilood ah tababar uga socday xerada ciidamada Daraawiishta Puntland ee 54-aad.
Madaxweyne Deni ayaa bogaadiyey dhoolatus ay ciidamada la tababaray soo bandhigeen, wuxuuna sheegay in tayeynta ciidamada iyo inay helaan Mushaharaadkooda si joogto ah ay tahay waxyaabihii ay ku guuleysateen sanadka hadda dhammaaday.
Waa qeybtii saddexaad ee ciidamada Birmadka oo tababar loo soo xiro, Madaxweynaha ayaana dhammaadkii kulanka kula dardaarmay Ciidamada la tababaray in ay noqdaan kuwo sida ay tahay u guta waajibaadka saaran.
