Madaxweynaha Dowlad Gobaleedka Puntland Mudane Siciid Cabdullaahi Deni, oo safar shaqo ku jooga Qardho ayaa maanta tababar u soo xiray dufcadii 4-aad oo Ciidamo Boolis ah kuwaasi oo muddo Lix bilood ah tababar ku qaatay Dugsiga tababarka Ciidamada ee Xorgoble.
Madaxweynaha Puntland ayaa u hambalyeeyay Ciidamada maanta tababarka dhameystay, waxuu kula dardaarmay in dalkooda iyo dadkooda ay ugu shaqeeyaan casharadii iyo tababarkii ay qaateen, iyagoo kaalin muhim ah ka qaadanaya sugida Amniga iyo ladagaalanka maan dooriyaha.
Ciidamada Booliska ah ee maanta tababarka loo soo xiray oo ka badan 700 oo Askari oo isugu jira wiilal iyo gabdho qaarkood Aqoon Jaamacadeed leeyihiin, waxay ka kala yimaadeen Gobolada Puntland waana dufacadii 4-aad oo Ciidamo Boolis ah ee ay puntuland soo saarto.
Dhismaha iyo dib-u-habeynta Ciidamada waa ballan qaadkii Madaxweyne Deni, ee xiligii doorashada oo uu Madaxweynuhu uga dhabeeyay Bulshadiisa, waxaana taasi horseeday isbedel wanaagsan oo ku yimi Ciidamada iyo guud ahaan Amniga Puntland .
