Cutubyo katirsan qeybaha kala duwan ee Ciidan ka Booliska soomaaliyeed ku waas oo watay Gadiidka nuuc yadiisa kala gedisan iyo qalabka ay u adeegsadaan Sugida ammaanka dalka ayaa maanta isugu tagay Garoonka kubada Cagta ee Banaadir si ay uga qeyb galaan Munaasabadda Xuska 75-guuradii ka soo wareegatay markii la aas aasay Ciidanka Booliska.
Ciidamada ayaa markii ay Diyaar garoobeen waxaa halkaa gaaray Madaxda ugu sareeyso dalka uu hogaaminayey Madaxweynaha Jamhuuriyadda Federaalka Soomaaliya,Waxa uuna salaan sharaf ka qaatay Ciidamadii goobta ku sugnaa.
Garoonka Ciyaaraha Banaadir ama koonis halkaas oo maanta Dhoolatus ay ku soo bandhigayeen ciidanka Booliiska waxaa buux dhaafiyay shacab aad u fara badan iyo Madax sare ee dalka oo ay ka mid ahaayeen Madaxweynaha, Gudoomiyaha aqalka sare, xubno ka socday Golaha Wasiirada iyo Maamulka Gobalka Banaadir iyadoo madaxdii iyo shacabkii Munaasabadda ka qayb galay ay la dhaceen bandhigga wanaagsan ee maanta ay la soo baxeen Ciidan ka Booliiska .
Taliyaha Ciidanka Booliska General: Bashiir Cabdi maxamed ( ameeriko ) ayaa Hambalyo u diray dhamaan Saraakiisha Saraakiil xigeenadda,Alif-leydda,Dableydda Ciidanka Booliiska iyo Xaasaskooda isagoo oo mahad celin u jeediyey ka soo qayb galayaasha .
Madaxweynaha Jamhuuriyadda Soomaaliya oo Khudbad kooban u jeediyey ciidamadii maanta ka qayb qaadanayey xuska aas aaska Booliiska Soomaaliya iyo dadkii ka soo qayb galay ayaa marka hore u hambalyeeyay Ciidaka Booliiska, Waxa uuna sheegay Madaxweynahu in Dowlada uu hogaamiyo in ay ka go’antahay daryeelka iyo qalabaynta Ciidanka Booliiska iyo guud ahaan Ciidanka qalabka sida.
Madaxweynaha ayaa faray Ciidmadu in ay kasbadaan kalsoonada shacabka geeska kale shacaka ayuu weydiistay in ay Ciidanka ay la shaqeeyaan .
Ciidanka Booliiska Soomaaliya ayaa la aas aasay sanadkii 1943 dii ( Kun sagaal boqol afartan iyo sedaxdii ) Waxa ayna maanta udabaal degeen Sanad guuradii 75-aad ee aas aas kooda.
