Madaxweynaha Dowlad Goboleedka Puntland Mudane Saciid Cabdullahi Deni
ayaa maanta kulan la yeeshay qaarkamida golihiisa Wasiirada waxa uuna sheegay in tan iyo markii la doortay ay hormaro badan sameesay Xukuumadiisu, oo ay ka midtahay kordhinta mushaaraadka.
Madaxweyne Deni “Markaanu xafiiska nimid waxaan kordhinay mushaharka oo joogteynay, Mushaharka Wasiirku wuxuu ahaa $800 waxaa la gaarsiiyey $3000, Mushaharka Xildhibaanka wuxuu ahaa $800 gunnooyinka marka lagu daro kun iyo xoogaa waxaan gaarsiinay $2500, Mushaharka Askariga waxaanu ugu nimid $70 maanta waa $250-270 saraakiishuna kaba sii badan, Shaqaalaha waxaan ku sameynay Tirakoob Akoonkooda ku qaataan Mushaharka waxaana hada gacanta lagu haya mushahar kordhintii in loo sameeyo.
Dhammaan Shaqadaasi aan qabanay ee Dib-u-habeynta Ciidamada iyo Mushahar kordhinta ah , ma sameyneen hadii aananu marka hore hagaajin maaliyadda Puntland.”
ayuu yiri Madaxweyne Deni.
