Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa kormeeray Xarunta Warbaahinta Qaranka, gaar ahaan Muuqaal-baahiyaha SNTV2 ee dhawaan lagu soo kordhiyey, kaas oo loogu tala galay baahinta arrimaha wacyigelinta bulshada iyo xoojinta wadaniyadda.
Madaxweynaha ayaa markii uu soo gaaray xarunta Wasaaradda Warfaafinta waxaa uu soo kormeeray qeybaha Wasaaradda gaar ahaan Muuqaal-baahiyaha SNTV2 oo dhawan laga hirgeliyay xarunta Wasaaradda, waxaana uu warbixin ka dhageystay qaar ka mid ah Agaasime Waaxeedyada Wasaaradda Warfaafinta.
Mudane Maxamed Cabdullaahi Farmaajo ayaa ku bogaadiyay Wasiirka, Wasiir ku-xigeenka iyo dhamaan howlwadeennada Wasaaradda Warfaafinta si ay uga go’antahay baahinta barnaamijyada la xiriirta waddaniyadda iyo wacyigelinta bulshada.
