Madaxweynaha Dowladda Federaalka ah ee Soomaaliya Mudne Maxamed Cabdullaahi Farmaajo iyo wafdi uu hoggaaminayo ayaa gaaray magaalada Dhuusamareeb ee xarunta dowlad goboleedka Galmudug.
Madaxweyne Farmaajo iyo wafdiga la socday ayaa waxa garoonka diyaaradaha Ugaas Nuur ee magaalada Dhuusamareeb ku soo dhoweeyay mas’uuliyiin uu ka mid ahaa Wasiirka Amniga Gudaha ee Xukuumadda Soomaaliya Mudane Maxamed Abuukar Islow, Madaxa Xukuumadda Galmudug Sheekh Maxamed Shaakir Cali Xasan, Xildhibaanno ka tirsan labada Gole Baarlaamka Soomaaliya, Siyaasiyiiniyo dadweyne aad u fara badan oo ka kala yimid xaafadaha kala duwan ee magaalada Dhuusamareeb.
Madaxweynaha Dowladda Federaalka ah ee Soomaaliya Mudane Maxamed Cabdullaahi Farmaajo ayaa lagu wadaa in uu soo xiro shirka dib u heshiisiinta Galmudug oo maalmihii la soo dhaafay ka socday magaalada Dhuusamareeb.
