Madaxweynaha Dowladda Federaalka ee Soomaaliya Mudane Maxamed C/laahi Farmaajo oo ku sugan Dalka Turkiga ayaa kula kulmay Magaalada Ankara Madaxweynihii hore ee Soomaaliya Mudane Xasan Sheekh Maxamuud oo Dalka Turkiga Dagan.
Labada Madaxweyne ayaa kawada hadlay dhowr Arrimood kuwaas oo kamid yihiin Hormarka Dalka iyo qaabka ay u soo hagaageyso Xaalada Amaan ee Soomaaliya.
Madaxwayne Farmaajo ayaa yiri”Waxaan maanta kula kulmay magaalada Ankara Madaxweynihii hore Mudane Xasan Sheekh Maxamuud. Waxaanu iska wareysannay horumarka, fursaddaha iyo caqabaddaha horyaalla dalkeenna, annaga oo isla qaadannay ahmiyadda ay leedahay iskaashiga iyo wada shaqeynta madaxda haatan iyo kuwii hore ee dalka si loo xaqiijiyo mustaqbal barwaaqo u horseeda dadkeenna.”
Madaxweynaha Dowladda Federaalka Maxamed C/laahi Farmaayo ayaa kaga mahadceliyey Madaxweynihii ee Soomaaliya Xasan Sheekh Maxamuud qaabka uu garab taagan yahay Dowladnimada Soomaaliya.
Madaxweynaha Soomaaliya Mudane Farmaajo ayaa Dalka Turkiga u tagay ka qeyb galka Munaasabada Caleema saarka ee Madaxweynaha Dalka Turkiga kaas oo dhawaan dib loo doortay markale.
