Ku-simaha Madaxweynaha ahna Madaxweyne ku-xigeenka Dowlad Goboleedka Galmudug Mudane Cali Daahir Ciid, oo maalmahaan safarro shaqo ku marayey degmooyin iyo deegaanno kamid ah Galmudug, ayaa galabta si diirran loogu soo dhaweeyey degmada Caabudwaaq ee waqooyiga Gobolka Galguduud.
Ku-simaha Madaxweynaha Galmudug oo gelinkii-dambe ee galabta gaaray Caabudwaaq ayaa waxaa Madaxtooyada Caabudwaaq si weyn ugu soodhaweeyey labada Gole ee Dowlad Goboleedka Galmudug, duubabka dhaqanka, dhallinyarada iyo qeybaha bulshada Caabudwaaq, sidookale waxaa uu Madaxweyne ku-xigeenku salaan-sharaf ka qaatay cutuyo ka mid ah ciidanka xoogga dalka.
Salaan iyo soo dhaweyn kadib ayuu Madaxweyne ku-xigeenka Galmudug ka mahadceliyey sida wanaagsan ee ay reer Caabudwaaq u soo dhaweeyeren, waxaana uu Madaxtooyada kulan-doceedyo kula qaatay, qaar ka mid ah Golihiisa Wasiirada, Mudaneyaasha Baarlamaanka Galmudug iyo bulshadii soo dhaweysay.
