Madaxweyne ku-xigeenka Dowlad Gobaleedka Galmudug mudane, Cali Daahir Ciid ayaa maanta shir Guddoomiyay shirka amniga Galmudug oo asbuuciiba mar lagu qabto caasimadda Galmudug ee Dhusamareeb.
Shirkaan ayaa waxaa diiiradda lagu saarayay sare u qaadidda Amniga guud ee Galmudug iyo daadajinta qorshaha amniga Galmudug.
Kulanka waxaa ku sugnaa saraakiisha Xoogga, Booliska Nabad sugidDa iyo Asluubta, waxaana uu Madaxweyne ku-xigeenka Galmudug saraakiisha ku bogaadiyay qorshaha amniga ee dowlad goboleedka Galmudug
Madaxweyne ku xigeenka Galmudug Mudane Cali Daahir Ciid ayaa saraakiisha booliska, nabadsugida, iyo Milatariga, Galmudug ka dhagaystay xaaladda Amniga Galmudug, isagoo faray dardar galinta Aminga Guud ee deegaannada Galmudug.
Warbixinta Saraakiisha Amniga kaddib Madaxweyne ku xigeenka Galmudug Cali Daahir Ciid ayaa bixiyay awaamir sare loogu qaadayo Amniga guud ee Galmudug gaar ahaan Amniga caasimadda Galmudug ee Dhuusamareeb.
