Madaxweyne ku xigeenka Puntland Mudane Axmed Cilmi Cismaan Karaash ayaa kormeer shaqo ku tagay laanta Socdaalka iyo Jinsiyadda DFS, Xafiiska Puntland, gaar ahaan Garoowe.
Madaxweyne ku xigeenka waxaa xarunta ku soo dhaweeyay Agaasimaha guud ee Laanta Socdaalka iyo Jinsiyada DFS Col, Maxamed Aadan Jimcaale (Koofi) oo ay wehliyaan, Agaasimaha Laanta Socdaalka iyo Jinsiyada laanta Puntland Col, Maxamed Faarax Qambi iyo Saraakiil kale.
Kormeerkan oo Madaxweyne ku xigeenku uu ku eegayay hannaanka shaqo ee Laantan waxa uu indha indheeyay qaybo kala duwan oo ay ka mid yihiin Waaxaha Baasaboorada, Fiisooyinka, IT-ga iyo kuwa kale.
Madaxweyne ku xigeenka Puntland Mudane ayaa bogaadiyay Maamulka iyo Shaqaalaha Xafiiska Laanta Socdaalka iyo Jinsiyada DFS, gaar ahaan Laanta Puntland, waxaana uu kala dar-daarmay inay sii laba jibbaaraan howlaha loo idmaday ee ay Ummaadda u hayaan.
