Madaxweyne Ku-xigeenka Dowlad Goboleedka Puntland Mudane Axmed Cilmi Cismaan Karaash, ayaa xarunta Madaxtooyada ku qaabilay madaxa Hay’adda WFP ee Gobolka Geeska Afrika Mr Michael Dunford iyo Wafdi uu hoggaaminayo.
Kulanka oo ay ka qeybgaleen qaar ka mid ah Golaha Wasiirada, Agaasimaha Guud ee Madaxtooyada Puntland, Madaxda WFP ee Soomaaliya iyo xafiiska WFP ee Puntland, ayaa waxaa looga hadlay arrimaha bani’aadantinnimo ee ka jira Puntland iyo sidii ay gacan uga geysan lahaayeen.
Axmed Cismaan Cilmi Karaash Madaxwayne ku xigeenka Puntland ayaa sidoo kale qaabilay madaxa Bangiga Adduunka ee Soomaaliya Marwo Kristina Svensson iyo wefdi ay hogaaminayso oo ka socda Bangiga Adduunka qaybtiisa teegeerada Soomaaliya.
Kulanka labada dhinac oo ay qayb ka ahaayeen xubno ka tirsan Golaha Wasiirada Puntland ayaa lagu gorfeeyay mashaariicda Bangiga Adduunku ka taageero Puntland gaar ahaan taageerada shaqaalaha dowladda iyo horumarinta kaabayaasha dhaqaale ee Puntland oo Bangiga adduunku qayb ka qaato.
