Madaxweyne Ku-xigeenka Dowlad Goboleedka Puntland Mudane Axmed Cilmi Cismaan Karaash, ayaa maanta Shir-guddoomiyay Shirka todobaadlaha ah ee Golaha Wasiirada Puntland oo todobaadkan looga hadlay Amniga, Imtixaanka Fasalka 8-aad iyo xaaladaha guud Gobollada Puntland.
Mudane Axmed Cilmi Cismaan Karaash, ayaa warbixinno ka dhageystay saraakiisha laamaha amniga oo ku saabsan hannaanka Nabadgelyo ee deegaannada Puntland.
Madaxweyne Ku-xigeenka Puntland ayaa ku booriyay hay’adaha Nabadgelyada inay xoojiyaan amniga guud ahaan Gobollada Puntland, isagoo dhankale hambalyo iyo bogaadin u diray ardayda dhameysatay fasalka 8aad.
